انا هابدا فى شرح المحاسبة المالية على اجزاء من واقع خبرتى العمليه وملم بخلفية نظريه عن المحاسبة
اتسئلت مره سؤال من مراجع حسابات
لو انت رايح تشتغل محاسب فى شركة جديده علشان تبقى محاسب شاطر فى الشركة دى اول حاجه هاتبدا تعرفها ايه
وقتها كنت لسه متخرج ومعرفتش كان رده شجرة الحسابات
او مايعرف بالدليل المحاسبى
دة بيعبر عن منظومة المعاملات المحاسبية وشبكة القيود المحاسبية اللى بتتنقل داخل هذا النظام لكى يوفر النتائج المرجوة منه
هاشرح ببساطة جدااااااااا
لو بنتكلم عن شركة يبقى اى شركة فى الدنيا معاملاتها المالية الرئيسية لا تخرج عن :
1 - ماتملكة الشركة من اراضى وعقارات ومكن انتاج ومبالغ نقدية بخزينتها وبالبنك وديون ليها عند الغير نسمى هذه الاشياء ( الاصول )
2 - الشركة ممكن يكون عليها فلوس للغير كديون او كمبيالات وتسمى( الخصوم ) وتشمل حقوق الملكية وسنشرحها لاحقا
3 -( الايرادات ) المتحصلات من النشاط الرئيسى للشركة يعنى لة بشتغل فى تجارة الموز يبقى ايراد الموز وهكذا
4 - ( المصروفات ) علشان اعرف ابيع الموز مثلا واعمل ايراد لازم اصرف اموال تتعلق بالايراد او النشاط الرئيسى للشركة
كده عندنا اربع حسابات رئيسية تجدها فى اى شركة لما تبدا تشتغل كمحاسب لانهم الحسابات الرئيسية فى الدليل المحاسبى
للحديث بقية وشكرا[b]
موضوع: تيجوا نتعلم محاسبة نشتغل بيها وبساطه يلا بينا 